Հունահռոմեականները պատրաստվում են Կիեւի մրցաշարին

Հայաստանի հունահռոմեական ըմբշամարտի հավաքականը Երեւանում անցկացնում է հերթական ուսումնամարզական հավաքը:

Թիմը պատրաստվում է մարտի 3-4-ը Կիեւում կայանալիք միջազգային մրցաշարին, որտեղ հանդես է գալու 8 ըմբիշով:

«Սա Եվրոպայի առաջնությանը պատրաստվելու հերթական մրցաշարն է: Մինչ ԵԱ-ն մենք պետք է տեսնենք, թե ինչ բացեր ունենք, որպեսզի ուղղենք ու այդ կարեւոր առաջնությունում հնարավորինս լավ հանդես գանք»,- Mediamax Sport-ի թղթակցին ասել է հավաքականի գլխավոր մարզիչ Լեւոն Ջուլֆալակյանը:

Կիեւում ելույթ են ունենալու նաեւ Գեւորգ Ղարիբյանը (59 կգ), Կարեն Ասլանյանը (66 կգ), Վարշամ Բորանյանը, Ռաֆայել Ալեքսանյանը (75 կգ), Ռաֆիկ Մանուկյանը, Սարգիս Քոչարյանը (80 կգ), Արթուր Ալեքսանյանը (98 կգ) եւ Վաչիկ Եղիազարյանը (130 կգ):

«Արսեն Ջուլֆալակյանն արդեն վերականգնվել է ու նորմալ մարզումներ է անցկացնում: Նա ապրիլի 8-ին հանդես է գալու Տալինի մրցաշարում: Ապա մենք կունենանք եւս երկու ուսումնամարզական հավաք, որից վերջինը կլինի Բելառուսի Ստայկի մարզաբազայում: Այնտեղից էլ կմեկնեք Սերբիայում կայանալիք Եվրոպայի առաջնություն»,- նշել է մարզիչը: