Երեկ ոչ պաշտոնական այցով Հայաստանում էր գտնվում ՈւԵՖԱ-ի նախագահ Միշել Պլատինին:
Երեւանի ֆուտբոլի ակադեմիայում լրագրողների հետ կարճ հանդիպման ժամանակ Պլատինին, պատասխանելով Mediamax Sport-ի հարցին, ասաց, որ ԵՎՐՈ-2016-ում մրցակցությունն ավելի է մեծ լինելու:
«Եվրոպայի առաջնությունն ավելի է ընդլայնվել, որին մասնակցելու է 24 թիմ, շատացել է նաեւ ընդունող քաղաքների թիվը: Եվրոպայում լավ որակի թիմեր կան, որոնք կմասնակցեն մրցաշարին»,- ասել է ՈւԵՖԱ-ի նախագահը:
Թիմերի քանակի ավելացման հետ կապված նա ընդգծել է, որ այն հավաքականների շանսերը, որոնք նախկինում չէին կարողանում եզրափակիչ փուլ դուրս գալ, մեծացել են:
ԵՎՐՈ-2016-ին, որը կայանալու է Ֆրանսիայում, ՈւԵՖԱ-ի որոշմամբ մասնակցելու է 24 հավաքական՝ նախկին 16-ի փոխարեն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: