Հայաստանը պարալիմպիկ խաղերում կունենա մեկ ներկայացուցիչ, սակայն կոմիտեում անում են հնարավորը, որպեսզի մրցավայր մեկնի նաեւ երկրորդը:
Այս մասին հայտնել է Հայաստանի պարալիմպիկ կոմիտեի նախագահ Հակոբ Աբրահամյանը:
«Դահուկավազքում հանդես է գալու Ստասիկ Նազարյանը, սակայն ցանկանում ենք Փհենչհանում տեսնել նաեւ լեռնադահուկորդ Սասուն Հակոբյանին: Նա Չեխիայում պետք է մասնակցեր մրցաշարի, սակայն չստացվեց մեկնել: Հիմա դիմել ենք միջազգային պարալիմպիկ կոմիտե, մի քանի օրից կունենանք վերջնական պատասխանը»,-ասել է Աբրահամյանը:
Ստասիկ Նազարյանը խաղերին մասնակցելու իրավունք ձեռք է բերել այս հունվարին Գերմանիայում կայացած մրցաշարի ժամանակ:
«Մասնակցությունն ինձ համար արդեն մեծ հաջողություն է: Կփորձեմ որքան հնարավոր է լավ հանդես գալ: Իհարկե, ցանկալի կլիներ, որ բարձր տեղեր գրավեի, սակայն մեկ ամիս մարզվելով ու մեկ մրցաշարի մասնակցելով նման բան հնարավոր չէ: Ես միայն իմ մասին չեմ ասում: Հայաստանում կան հաշմանդամություն ունեցող լավ մարզիկներ, ովքեր նույնպես հնարավորություն չեն ունենում ամենօրյա մարզումների»,-խոստովանել է դահուկորդը:
Պարալիմպիկ կոմիտեն խաղերին պատրաստվելու համար պետական բյուջեից ստացել է 6,5 մլն դրամ, որով ավիատոմսերից բացի ձեռք են բերել մարզահագուստ եւ գույք:
Պարալիմպիկ խաղերը Փհենչհանում կայանալու են մարտի 9-18-ը, հայկական 5 հոգանոց պատվիրակությունը մրցավայր է մեկնելու մարտի 5-ին:
Խաղերին մասնակցելու են մոտ 42 երկրի 550 մարզիկ, ովքեր պայքարելու են 6 մարզաձեւում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: