Լոնդոնի «Արսենալն» անպարտելի հանդիպումների շարքը հասցրել է 22-ի: Վերջին հաղթանակն Ունայ Էմերիի թիմը տարել է ադրբեջանական «Ղարաբաղի» նկատմամբ Եվրոպայի Լիգայի խմբային փուլի վերջին խաղում:
Հանդիպման միակ գոլը 16-րդ րոպեին խփել է Ալեքսանդր Լակազետը: «Արսենալը» վաստակել է 16 միավոր ու E խմբի առաջատարն է:
Հանդիպումը, սակայն, հաղթանակից բացի նշանավորվել է նաեւ հայ երկրպագուի խաղադաշտ ներխուժմամբ: Նա կրել է Մոնթե Մելքոնյանի լուսանկարով շապիկ ու գլխավերեւում պահել Արցախի դրոշը: Երկրպագուն փորձել է մոտենալ Հենրիխ Մխիթարյանին, սակայն անվտանգության աշխատակիցներն ավելի շուտ են հասել նրան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: