Հունահռոմեականներն այսօր սկսում են պայքարը Եվրոպայի առաջնությունում

Հռոմում այսօր մեկնարկելու է ըմբշամարտի Եվրոպայի երիտասարդական առաջնությունը: Առաջինը պայքարի են դուրս գալու հունահռոմեականները:

Մինչեւ 50 կգ քաշային կարգում Տիգրան Մինասյանը 1/8 եզրափակչում մրցելու է մոլդովացի Արտիում Դելեանուի հետ: Հրաչյա Պողոսյանի (63 կգ) մրցակիցը նույն փուլում կրկին Մոլդովայի ներկայացուցիչն է լինելու՝ Մաքսիմ Կանտերը:

Վահե Պողոսյանը (77 կգ) ուժերն է չափելու լեհ Պատրիկ Բեդնարսի հետ, Հակոբ Բաղդասարյանը (87 կգ) որակավորման փուլում հանդիպելու է Ֆիլիպ Սմետկոյի (Խորվաթիա) հետ, իսկ Դավիթ Օվասափյանը (130 կգ)՝ 1/4 եզրափակչում ռուս Օլեգ Ագախանովի:

ԵԱ-ում Արմեն Բաբալարյանի գլխավորությամբ հանդես են գալու նաեւ Արարատ Մանուչարյանը (60 կգ), Աշոտ Կիրակոսյանը (67 կգ), Մալխաս Ամոյանը (72 կգ) եւ Էրիկ Էլոյանը (82 կգ):