Դանի Ալվեշը բանտից դուրս գալուց հետո խնջույք է կազմակերպել

Դանի Ալվեշը 1 տարի բանտում անցկացնելուց հետո 1 մլն դոլար գրավի դիմաց ազատվելուց հետո մեծ խնջույք է կազմակերպել:

Daily Mail-ի տեղեկություններով՝ Իսպանիայում երեկույթ է անցկացրել ընտանիքի անդամների ու ընկերների հետ, որը տեւել է մինչեւ առավոտյան ժամը 5-ը: Նշվում է, որ այդկերպ ֆուտբոլիստը տոնել է հոր տարեդարձը, որը վերջերս է եղել:

Փետրվարին Ալվեշը մեղավոր է ճանաչվել 2022 թվականի դեկտեմբերի 30-ի գիշերը «Սաթոն» գիշերային ակումբում տեղի ունեցած բռնաբարության մեջ։ Դատարանը նրան դատապարտել է ազատազրկման 4 տարի 6 ամիս ժամկետով։

Նա բողոքարկել է դատարանի որոշումը, եւ քանի դեռ այդ հարցը քննարկվում է, կարող է այդ ընթացքում լինել ազատության մեջ, սակայն երկրից չհեռանալու համար իր 2 անձնագրերն էլ՝ իսպանական եւ բրազիլական, հանձնել է իրավապահ մարմիններին:

Դատարանի որոշումից հետո «Բարսելոնա»-ն նրան հեռացրել էր ակումբի լեգենդների ցանկից: Բրազիլացին այնտեղ հանդես է եկել 2008-2016 թթ., ապա 2021-2022-ը: Թիմի հետ Ալվեշը Իսպանիայի 6-ակի չեմպիոն է հռչակվել ու դարձել ՉԼ-ի եռակի հաղթող: