Հայաստանի բռնցքամարտի առաջնության պայքարը լուսանկարներով

«Դինամո» մարզադահլիճում երեկ ավարտված Հայաստանի բռնցքամարտի առաջնության եզրափակիչներն անցան լարված, դիտարժան ու համառ պայքարում:

Մարզիկները մրցում էին ոչ միայն չեմպիոնի կոչման, այլ նաեւ Հայաստանի հավաքականում ընդգրկվելու եւ Օլիմպիական վարկանշային մրցաշարերին մասնակցելու համար: Առաջինը կայանալու է շատ շուտով՝ փետրվարի 29-ից մարտի 12-ն իտալական Բուստո Արսիզիո քաղաքում:

Հայաստանի չեմպիոններ են դարձել Բարեղամ Հարությունյանը (48 կգ), Արեն Ասլամազյանը (51 կգ), Դավիթ Եգորյանը (54 կգ), Արթուր Բազեյանը (57 կգ), Արթուր Սահակյանը (60 կգ), Նարեկ Հովհաննիսյանը (63,5 կգ), Արարատ Հարությունյանը (67 կգ), Գուրգեն Մադոյանը (71 կգ), Վախթանգ Հարությունյանը (75 կգ), Ռաֆայել Հովհաննիսյանը (80 կգ), Համլետ Հարությունյանը (86 կգ), Հենրիկ Ճղրիկյանն (92 կգ) ու Դավիթ Չալոյանը (+92 կգ)։

Mediamax Sport-ի լուսանկարիչ Էմին Արիստակեսյանը ներկա է եղել եզրափակիչներին ու ներկայացնում է ամենադիտարժան պահերը: