Բռնցքամարտն, ինչպես եւ մյուս մենապայքարային մարզաձեւերը, անկանխատեսելի է ու ռինգում ամեն ինչ էլ կարող է պատահել:
Այդպիսին էր այսօր «Դինամո» մարզադահլիճում կայացած Հայաստանի առաջնության մինչեւ 80 կգ քաշային կարգի եզրափակիչը:
Լուսանկարը` Մեդիամաքս
Միմյանց դեմ պայքարում էին Եվրոպայի արծաթե ու Մ-22 տ. ԵԱ-ի բրոնզե մեդալակիր Ռաֆայել Հովհաննիսյանը, որը փոխել է քաշային կարգն ու 86-ից տեղափոխվել, եւ Համբարձում Հակոբյանը:
Լուսանկարը` Մեդիամաքս
Բռնցքամարտիկները դիտարժան ու գեղեցիկ պայքար էին ծավալում, հուժկու հարվածաշար հասցնում, երբ 3-րդ ռաունդում Հովհաննիսյանի հարվածից հետո Համբարձումյանը հայտնվեց ռինգի հատակին: Սակայն դա սովորական նոկաուտներից չէր, որից հետո բռնցքամարտիկն արագ կարողանում է ոտքի կանգնել:
Լուսանկարը` Մեդիամաքս
Համբարձումյանը կորցրեց գիտակցությունն ու երկար րոպեներ պահանջվեցին մինչեւ որ հաջողվեց նրան ուշքի բերել: Այդ ամբողջ ընթացքում անչափ լարված եւ հուզված էր նաեւ Ռաֆայել Հովհաննիսյանը, որը տեղը չէր գտնում միջադեպից հետո:
Լուսանկարը` Մեդիամաքս
Բարեբախտաբար, ամեն ինչ բարեհաջող ավարտ ունեցավ եւ Համբարձումյանը պարգեւատրման արարողության ժամանակ իրեն անհամեմատ լավ էր զգում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: