Արթուր Աբրահամը Լոնդոնում ակտիվորեն շարունակում է պատրաստվել հուլիսի 15-ին Քրիս Յուբենկ կրտսերի դեմ կայանալիք մենամարտին: 37-ամյա հայ բռնցքամարտիկն իր 27-ամյա մրցակցի հետ պայքարելու է IBO վարկածով աշխարհի չեմպիոնական գոտու համար:
Երեկ բռնցքամարտիկները բաց մարզում են անցկացրել ու հայացքների հանդիպում ունեցել: Երկուսն էլ վճռական են տրամադրված ու չեն կասկաում, որ հաղթելու են:
Metro.co.uk-ին տված հարցազրույցում Յուբենկը նշել է, որ հանդիպմանը պատրաստվում է ինչպես խելագար: Բրիտանացու համար չափազանց դժվար է եղել սպարինգ-մրցակից գտնել, որը կօգներ դիմակայել Աբրահամին:
«Հենց հիմա Բրայթոնում եմ, ոչ ոք չէր ցանկանում ինձ հետ սպարինգ անցկացնել: Մտածում եմ, երեւի այս մենամարտից հետո ԱՄՆ-ում հավաքներ կանեմ, որտեղ մրցակից գտնելն ավելի հեշտ կլինի»,- ասել է նա:
Այս պահին նա կենտրոնացած է միայն Աբրահամի հետ մենամարտի վրա ու ցանկանում է հաղթել նրա պես հայտնի բռնցքամարտիկին:
Աբրահամն ինչպես միշտ, սակավախոս է եղել, բայց ընդգծել է, որ միակ տեսարանը, որին շաբաթ օրը Յուբենկն ականատեսն է դառնալու՝ մրցավարի կողմից իր բարձրացրած ձեռք է լինելու:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: