ԵԱ-ում բռնցքամարտիկներն այսօր կպայքարեն եզրափակիչ անցնելու համար

Բռնցքամարտի Եվրոպայի առաջնությունում, որն ընթանում է Բելգրադում, այսօր կայանալու են կիսաեզրափակիչները:

Առաջին մրցահերթում Հայաստանն ունենալու է 2 ներկայացուցիչ: Անուշ Գրիգորյանը (50 կգ) մրցելու է իռլանդացի Շենոն Սունիի հետ, իսկ Անի Հովսեփյանի (70 կգ) մրցակիցը Դարինա Սանդակովան (Ռուսաստան) է։

Մնացած 5 բռնցքամարտիկները ռինգ դուրս կգան երեկոյան: Բարեղամ Հարությունյանը (48 կգ) կհանդիպի սերբ Ռադե Ջոկսիմովիչին, Արթուր Բազեյանին (57 կգ) բաժին է ընկել ռուս Էդուարդ Սավինը, Արթուր Սահակյանը (60 կգ) կմրցի բուլղարացի Ռադոսլավ Ռոսենովի հետ, Արարատ Հարությունյանը (67 կգ)՝ Տարհան
Իդիգովի (Ռուսաստան), իսկ Նարեկ Մանասյանը (92 կգ)՝ Ալֆոնսո Լորեն Բերտոյի (Ադրբեջան):