Հաշված օրեր են մնացել, որ մարզաշխարհի դատին հանձնվի վերջին տարիներին Հայաստանում կառուցված ամենաշքեղ ու կարեւոր սպորտային կառույցներից մեկը:
Դավթաշենում գտնվող «Օլիմպավանում», որը Օլիմպիական խաղերի մեկնարկից մեկ տարի առաջ է շահագործման հանձնվելու, մարզվելու ու բնակվելու հնարավորություններ են ունենալու համարյա բոլոր մարզաձեւերի ներկայացուցիչները:
«Օլիմպավանում» կատարվող աշխատանքներն արդեն թեւակոխել են վերջին փուլ: Հյուրանոցային համալիրն արդեն ամբողջովին կահավորված է, տեղադրված է ողջ գույքը: Մարզադահլիճներում էլ վերջին շտկումներն են իրականացվում: ՀԱՕԿ-ի մասնաշենքը, որտեղ տեղակայվելու են նաեւ ազգային ֆեդերացիաները, եւս, գրեթե, պատրաստ է շահագործման հանձնվելու:
Լուսանկարը` Մեդիամաքս
«Օլիմպավանի» պաշտոնական բացումը կայանալու է սեպտեմբերի վերջին ՀԱՕԿ-ի 25-ամյակի տոնակատարությունների շրջանում, երբ Հայաստան են ժամանելու ՄՕԿ-ի ու ԵՕԿ-ի նախագահներ Թոմաս Բախն ու Պատրիկ Հիկեն, ինչպես նաեւ մի շարք ԱՕԿ-ի ներկայացուցիչներ եւ պատվավոր հյուրեր:
«Օլիմպավանի» նախագծման աշխատանքները սկսվել են 2013 թվականի մարտին, իսկ շինարարությունը մեկնարկել է մայիսի 28-ից:
Mediamax Sport-ն արդեն 4-րդ անգամն է եղել «Օլիմպավանում» ու ներկայացնում է բացառիկ լուսանկարներ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: