Գոլառատ, գեղեցիկ ու հետաքրքիր հանդիպումներով մեկնարկել է Չեմպիոնների Լիգայի խմբային փուլը:
B խմբում «Բարսելոնան» ոչ մի շանս չի տվել ՊՍՎ-ին: Լիոնել Մեսսիի հեթ-տրիկն ու Ուսամա Դեմբելեի գոլը 4:0 հաշվով հաղթանակ են բերել կատալոնական ակումբին: Դա արգենտինացու 8-րդ հեթ-տրիկն էր ՉԼ-ում, ինչը մրցաշարի լավագույն ցուցանիշն է:
Լուսանկարը` uefa.com
Խմբի մյուս խաղում «Ինտերը» 2:1 հաշվով հաղթել է «Տոտենհեմին»: Մինչեւ 86-րդ րոպեն անգլիական ակումբն առաջ է եղել հաշվի մեջ, սակայն «Ինտերը» խաղավարտին Մաուրիո Իկարդիի ու Մատիաս Վեսինոյի գոլերի շնորհիվ հաղթել է:
C խմբի ամենահետաքրքիր հանդիպումը «Լիվերպուլի» ու ՊՍԺ-ի միջեւ էր: Երկու գերմանացի մարզիչների՝ Յուրգեն Կլոպի ու Թոմաս Տուխելի, թիմերի պայքարում 3:2 հաշվով ուժեղ է եղել առաջինը: 5 գոլ ու անզիջում պայքար մինչեւ խաղավարտ: Հաղթական գոլը ավելացված ժամանակում խփել է Ռոբերտո Ֆիրմինոն:
Լուսանկարը` uefa.com
«Ցրվենա Զվեզդա»-«Նապոլի» հանդիպումն ավարտվել է գոլազուրկ ոչ-ոքիով:
Գրանցվել են նաեւ հետեւյալ հաշիվները՝
A խումբ՝ «Բրյուգե»-«Բորուսիա»՝ 0:1 , «Մոնակո»-«Ատլետիկո»՝1:2
D`«Գալաթասարայ»-«Լոկոմոտիվ»՝ 3:0, «Շալկե»-«Պորտու»՝ 1:1:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: