Մամիկոն Ղարիբյանն ու Մարիամ Մկրտչյանը պատանեկան ԵԱ-ի առաջատարներն են

Անթալիայում ընթացող շախմատի Եվրոպայի պատանեկան առաջնությունում արդեն կայացել են 6-րդ տուրի պարտիաները:

Մ-18 տարեկանների մրցաշարի առաջատարը Մամիկոն Ղարիբյանն է, որը վասակել է 5,5 միավոր: 6-րդ տուրում շախմատիստը սպիտակ խաղաքարերով առավելության է հասել ռուս Մաքսիմ Պոպովի նկատմամբ:

Աղջիկների նույն տարիքային մրցաշարում էլ առաջատարը վերջերս պատանիների Աշխարհի չեմպիոն հռչակված Մարիամ Մկրտչյանն է: Նա 5,5 միավոր ունի եւ վերջին տուրում ուժեղ է եղել ուկրաինացի Սոֆիա Գրիզլովայից:

Մ-12 տ. մրցաշարի 3-րդ տեղում 5,5 միավորով ընթանում է Նարեկ Ղազարյանը, որն առաջատարներին լրացուցիչ ցուցանիշներով է զիջում: