Տամպերեում (Ֆինլանդիա) ավարտվել է ըմբշամարտի Աշխարհի երիտասարդական առաջնությունը:
Մրցումային վերջին օրը ելույթ են ունեցել հունահռոմեական ոճայինները: Հայաստանի հավաքականին հաջողվել է նվաճել մեկ մեդալ:
Մինչեւ 66 կգ քաշային կարգում Մալխաս Ամոյանը մինչեւ եզրափակիչ գոտեմարտն անցկացրել է 4 հանդիպում ու բոլորում էլ վստահ հաղթանակներ տարել՝ առավելության հասնելով մոլդովացի, ուկրաինացի, ադրբեջանցի եւ թուրք մարզիկների նկատմամբ:
Եզրափակչում նա հաղթելիս է եղել Իրանի ներկայացուցչին 3:1 հաշվով, սակայն մրցակիցը կարողացել է հետ բերել միավորները՝ 3:3, առավելությունը տրվել է նրան, ու Ամոյանը նվաճել է արծաթե մեդալ:
Ավելի վաղ Հայաստանի ազատ ոճի հավաքականից Կարեն Զուրաբյանը դարձել էր արծաթե, իսկ Արսեն Հարությունյանը՝ բրոնզե մեդալակիր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: