Կարեն Զուրաբյանը երիտասարդական ԵԱ-ում բրոնզե մեդալ է նվաճել

Դորտմունդում ընթացող ըմբշամարտի ազատ ոճի Եվրոպայի երիտասադական առաջնությունում Հայաստանի ընտրանին մեկ բրոնզե մեդալ է նվաճել:

Առաջնության մեկնարկային օրը պատվոհարթակի 3-րդ աստիճանին է կանգնել մինչեւ 50 կգ քաշային Կարեն Զուրաբյանը: Բրիոնզի համար պայքարում նա 11:4 հաշվով ուժեղ է եղել թուրք Էնգին Չետինից:

Այսօր ելույթները շարունակելու են եւս 4 ըմբիշներ: Բոլորն էլ պայքարը սկսելու են 1/8 եզրափակչից:  Արսեն Հարությունյանը (55 կգ) հանդիպելու է Պավլո Վիզիրին (Ուկրաինա), Գեւորգ Մխեյանի (66 կգ) մրցակիցը վրացի Միրզա Սխուլուխիան է:

Հովհաննես Մխիթարյանը (84 կգ) ուժերն է չափելու շվեյցարացի Սամուել Սչերերի հետ, իսկ Հովհաննես Մաղաքյանը (120 կգ)՝ Ռոման Դովխալյուկի (Ուկրաինա):