Օլիմպիական վերջին վարկանշային մրցաշարում հայ ծանրորդների ելույթների ժամանակացույցը

Թաիլանդական Պուկետում մարտի 31-ին մեկնարկելու է ծանրամարտի Աշխարհի գավաթի խաղարկությունը։

Այս մրցաշարը վերջինն է լինելու ծանրորդների համար, որտեղ նրանք հնարավորություն կունենան պայքարել Օլիմպիական վարկանշային միավորների համար։

Հայաստանի ծանրամարտի հավաքականը մրցավայր է մեկնելու վաղը լուսադեմին, հայտնում են ՀԱՕԿ-ից։ Մեր երկիրը ներկայացված է լինելու միայն տղամարդկանց պայքարում։ Գավաթում հանդես կգան Անդրանիկ Կարապետյանը (89 կգ), Սամվել Գասպարյանն ու Գարիկ Կարապետյանը (102 կգ), Վարազդատ Լալայանը եւ Սիմոն Մարտիրոսյանը (+109 կգ):

Առաջինը հարթակ է դուրս գալու Անդրանիկ Կարապետյանը, որի ելույթն ապրիլի 6-ին է։ Ապրիլի 8-ին ելույթ կունենան Գասպարյանն ու Գարիկ Կարապետյանը, իսկ 11-ին՝ Լալայանն ու Մարտիրոսյանը։