Երիտասարդ ծանրորդները մասնակցում են Հայաստանի առաջնությանը

Օլիմպիական հերթափոխի պետական մարզական քոլեջում արդեն մի քանի օր է ընթանում է ծանրամարտի Հայաստանի երիտասարդական առաջնությունը:

Այսօր ելույթ են ունեցել մինչեւ 77 ու 85 կգ քաշային կարգի մարզիկները: Առաջինը հաղթողի կոչումը նվաճել է Կարեն Ավագյանը երկամարտի 340 կգ արդյունքով, ապա ուժեղ է եղել Սամվել Բաբակյանը, նա գլխավերեւում պահել է 360 կգ:

Ավելի վաղ հաղթողների կոչումները նվաճել են Համլետ Մնացականյանը  (56 կգ), Մովսես Երանոսյանը (62 կգ), Արմեն Գրիգորյանը (69 կգ):

Աղջիկների պայքարում էլ հավասարը չեն ունեցել Ալեքսանդրա Գրիգորյանը (48 կգ), Տանզելիա Գրիգորյանը (53 կգ), Անուշ  Արշակյանը (58 կգ), Էլեն Հարությունյանը (63 կգ), Լիանա Գյուրջյանը (180 կգ), Միլենա Խաչատրյանը (75 կգ), Աիդա Մանուկյանը (90 կգ) եւ Արփինե Դալալյանը (+ 90 կգ):