ԵԱ-ում հայ սամբիստները շարունակում են մեդալներ նվաճել

Պրահայում շարունակվում են սամբոյի պատանիների ու երիտասարդների Եվրոպայի առաջնությունները:

Մրցումային 2-րդ օրը նույնպես Հայաստանի հավաքականի սամբիստները հաջող են հանդես եկել ու մեդալներ նվաճել:

Երիտասարդների պայքարում մինչեւ 90 կգ քաշային Գրիգոր Սահակյանը հաղթել է բոլոր մրցակիցներին ու նվաճել ոսկե մեդալ:

Արծաթե մեդալակիրներ են դարձել Կարեն Հովհաննիսյանն (81 կգ) ու Աննա Մկրտչյանը (+80կգ):

Գասպար Հայրապետյանը (52 կգ), Սերգեյ Պողոսյանը (65 կգ), Անի Տեր-Հարությունյանը (44 կգ) եւ Արթուր Մանուկյանը (52 կգ) կանգնել են պատվոհարթակի երրորդ աստիճանին:

Հայաստանի հավաքականներն առայժմ նվաճել են 12 մեդալ: