2015 թ-ին շախմատի Աշխարհի կանանց եւ տղամարդկանց թիմային առաջնությունները կայանալու են Հայաստանում:
Mediamax Sport-ի թղթակցի հետ զրույցում Հայաստանի շախմատի ֆեդերացիայի փոխնախագահ Սմբատ Լպուտյանն ասել է, որ հայտն ընդունվել է ՖԻԴԵ-ի կողմից եւ արդեն ներառված է օրացուցային պլանում:
Մրցաշարը Հայաստանում կկայանա 2015թ. մարտի 1-ից 15-ը:
Հայաստանի տղամարդկանց հավաքականը 2011-ին Նինբոյում կայացած Աշխարհի առաջնությանը նվաճել է ոսկե մեդալներ: Իսկ 2013-ի առաջնությունում չեմպիոն է հռչակվել Ռուսաստանի թիմը, Հայաստանը 5-րդն էր:
