Շախմատի ԵԱ-ում հայերից լավագույն արդյունքն ունի Արման Միքայելյանը

Մինսկում ընթացող Եվրոպայի շախմատի անհատական առաջնությունում կայացել են 7-րդ տուրի պարտիաները:

Առաջատարներն արդեն ունեն 6-ական միավոր: Հրանտ Մելքումյանն այս տուրում պարտություն է կրել բրիտանացի Դավիդ Հոուելից ու 5 միավորով նահանջել 18-րդ հորիզոնական:

Իր արդյունքը բարելավել է Արման Միքայելյանը: Նա սպիտակներով ուժեղ է եղել Սերգեյ Ժիգալկոյից (Բելառուս) ու 5,5 միավորով բարձրացել է 13-րդ տեղ:

7-րդ տուրի խաղարկությանը ներկա է եղել Հայաստանի սպորտի եւ երիտասարդության հարցերի նախարար Հրաչյա Ռոստոմյանը:

Ընդհանուր առմամբ, ԵԱ-ին 19 հայ շախմատիստներ են մասնակցում: