Գուրգեն Մադոյանը վստահ հաղթանակով է մեկնարկել վարկանշային մրցաշարում

Գուրգեն Մադոյանը հաղթանակով է մեկնարկել Իտալիայի Բուստո Արսիզիոյում ընթացող բռնցքամարտի վարկանշային մրցաշարում:

Նա մինչեւ 71 կգ քաշային կարգում հանդիպել է Վասիլ Սեբոտարին (Մոլդովա) ու հաղթել 5:0 հաշվով: Ավելի վաղ Էլիդա Քոչարյանը (60 կգ) զիջել է Գվադելուպե Սուլիսին (Մեքսիկա):

Այսօր ելույթ է ունենալու 2 բռնցքամարտիկ: Ռուդոլֆ Գարբոյանը (51 կգ) մրցելու է Խուան Տեո Վեյի (Սինգապուր) հետ, իսկ Դավիթ Չալոյանին (+92 կգ) բաժին է ընկել կանադացի Ալեքսիս Բարիերեն:

Մրցաշարում մեկական հաղթանակ են տարել ու պայքարը շարունակում են Արթուր Բազեյանը (57 կգ) եւ Ռաֆայել Հովհաննիսյանը (80 կգ)։