ԵԱ-ի եզրափակչում Հարությունյանի եւ Անդրեասյանի մրցակիցները թուրք եւ վրացի են

Բուխարեստում ընթացող ազատ ոճի ըմբշամարտի Եվրոպայի առաջնությունում Հայաստանն այսօր եզրափակչում երկու մասնակից ունի։

Եվրոպայի եռակի չեմպիոն Արսեն Հարությունյանը կիսաեզրափակչում 1 րոպե 28 վայրկյանում 10:0 հաշվով գերազանցել է ադրբեջանցի Իսլամ Բազարգանովին։ Եզրափակչում նա ուժերը կչափի թուրք Մուհամետ Կարավուսի հետ։

Արման Անդրեասյանն (70 կգ) էլ կիսաեզրափակչում 8:5 հաշվով հաղթել է Իսմայիլ Մուսուկաեւին (Հունգարիա)։ Եզրափակչում նրա մրցակիցն է վրացի Ակակի Կեմերտելիձեն։

Վազգեն Թեւանյանը (65 կգ) սփոփիչ գոտեմարտ կանցկացնի ու հաղթելու դեպքում կպայքարի բրոնզի համար։