Բուխարեստում ընթացքող Եվրոպայի առաջնությունում այսօրվանից պայքարի մեջ են մտնելու ազատ ոճի ըմբիշները:
Հայաստանի հավաքականի կազմում Հաբեթնակ Կուրղինյանի գլխավորությամբ ելույթ են ունենալու 5 մարզիկներ:
Արսեն Հարությունյանը (57 կգ) մեկնարկելու է 1/4 եզրափակչից, նրա մրցակցի անունը հայտնի կդառնա ավելի ուշ: Վազգեն Թեւանյանը (65 կգ) 1/8 եզրափակչում մրցելու է Քրիստոֆ Բիենկովսկու (Լեհաստան) հետ, Արման Անդրեասյանը (70 կգ)` Ալեքսանդեր Սեմիսովորի (Գերմանիա):
Արման Ավագյանը (79 կգ) եւս 1/8 եզրափակչից կսկսի պայքարը, իսկ մրցակիցը կորոշվի որակավորման փուլից հետո: Սերգեյ Սարգսյանն (97 կգ) էլ քառորդ եզրափակիչ դուրս գալու համար կմրցի Բուլղարիան ներկայացնող Ահմեդ Բատաեւի հետ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: