Մխիթարյանը կգնա երազանքի հետեւից. Ցտեսություն Մանչեսթեր

Վերջապես Անգլիայի Պրեմիեր Լիգայում կկայանա վաղուց սպասված տեղափոխությունը:

«Մանչեսթեր Յունայթեդն» ու «Արսենալը» համաձայնության են եկել Ալեքսիս Սանչեսի ու Հենրիխ Մխիթարյանի տրանսֆերի հարցում:

Ինչպես հայտնում է Transfer News-ը, «Արսենալը» ձեռք կբերի Մխիթարյանին: Ֆուտբոլիստը համաձայնվել է շաբաթական 130 հազ. ֆունտ ստերլինգ աշխատավարձին ու թիմի  բարձր վարձատրվող խաղացողը կդառնա: Պայմանագիրը նախատեսված կլինի 4 տարով:

2009 թվականին Մխիթարյանը խոստովանել էր, որ երազում է խաղալ «Արսենալում»:

ՄՅՈւ նա տեղափոխվել է 2016-ի ամռանը Դորտմունդի «Բորուսիայից» 27 մլն ֆունտ ստերլինգով: ՄՅՈՒ-ի հետ կիսապաշտպանը դարձել է Եվրոպայի Լիգայի, Անգլիայի Լիգայի Գավաթի եւ Անգլիայի Գավաթի հաղթող: