Նորվեգական Տրոմսո քաղաքում այսօր մեկնարկել է շախմատի համաշխարհային Օլիմպիադան:
Օլիմպիադայի գործող չեմպիոն Հայաստանի տղամարդկանց հավաքականը տոնել է առաջին հաղթանակը:
Առաջին տուրում թիմի գլխավոր մարզիչ Արշակ Պետրոսյանը հանգստանալու հնարավորություն էր տվել Լեւոն Արոնյանին, ու առաջին խաղատախտակի վրա հանդես է եկել Գաբրիել Սարգսյանը:
Սարգսյանը սպիտակ խաղաքարերով հաղթել է Ռիոսուկե Նանջոյին, իսկ Սերգեյ Մովսիսյանն էլ ուժեղ է գտնվել Շինյա Կոջիմայից:
Այնուհետեւ հիանալի ելույթներ են ունեցել նաեւ Վլադիմիր Հակոբյանն ու Տիգրան Քոթանջյանը: Նրանք ուժեղ են գտնվել համապատասխանաբար Ակիրա Վատանաբեից ու Ալեքս Ավերբուխից:
Հայաստանի հավաքականը հաղթել է Ճապոնիային 4:0 հաշվով ու վաստակել առաջին միավորը:
