Վարազդատ Լալայանը դարձել է Աշխարհի առաջնության բրոնզե մեդալակիր

Բոգոտայում ավարտվել է ծանրամարտի Աշխարհի վարկանշային առաջնությունը:

Մրցումային վերջին օրը Հայաստանի հավաքականից հանդես են եկել երկու ծանրորդ: +109 կգ քաշային կարգում Աշխարհի բրոնզե մեդալակիր է դարձել Վարազդատ Լալայանը:

Նա պոկել է 215 եւ հրել 246 կգ ծանրաձող, իսկ երկամարտի 461 կգ արդյունքով գրավել 3-րդ տեղը: 

Սիմոն Մարտիրոսյանը, որն առաջին անգամն է հանդես եկել գերծանր քաշայինների պայքարում, 425 կգ-ով զբաղեցրել է 8-րդ տեղը:

ԱԱ-ի արծաթե պարգեւին 462 կգ-ով արժանացել է մեկ այլ հայ ծանրորդ՝ Գոռ Մինասյանը, որը ներկայացնում է Բահրեյնը:

Իսկ չեմպիոնի կոչումը նվաճել է Լաշա Տալախաձեն (Վրաստան)՝ 466 կգ: