Ծանրորդները մեկնել են Բոգոտա. Հայտնի են ԱԱ-ի մասնակիցների անունները

Դեկտեմբերի 5-ին Բոգոտայում մեկնարկելու է ծանրամարտի վարկանշային Աշխարհի առաջնությունը: Այսօր առավոտյան Հայաստանի ընտրանիները մեկնել են մրցավայր:

Փաշիկ Ալավերդյանը տղամարդկանց թիմում ընդգրկել է Անդրանիկ Կարապետյանին, Վարդան Մանուկյանին (89 կգ), Դավիթ Հովհաննիսյանին, Հակոբ Մկրտչյանին (96 կգ), Սամվել Գասպարյանին (102 կգ), Վարազդատ Լալայանին եւ Սիմոն Մարտիրոսյանին (+109 կգ):

Կանանց ընտրանին Արտաշես Ներսիսյանի գլխավորությամբ կներկայացնեն Իզաբելա Յայլյանը (59 կգ), Տաթեւ Հակոբյանը, Միլենա Խաչատրյանը (76 կգ), Լիանա Գյուրջյանը (81 կգ) եւ Հռիփսիմե Խուրշուդյանը (+87 կգ)։

Մինչ Փարիզի Օլիմպիական խաղերը ծանրորդների համար կանցկացվի վարկանիշային 6 մրցաշար, հայտնում է ՀԱՕԿ-ը: