Երիտասարդական ԵԱ. Սիմոն Մարտիրոսյանի ռեկորդն ու չեմպիոնությունը

Ալբանական Դուրրես քաղաքում ավարտին մոտեցող ծանրամարտի երիտասարդական առաջնությունում Հայաստանի ընտրանին արդեն 5 ոսկե մեդալ ունի:

Այսօր անգերազանցելի է եղել նաեւ այս տարվա մեծահասակների Եվրոպայի չեմպիոն ու Ռիոյի Օլիմպիական խաղերի արծաթե մեդալակիր Սիմոն Մարտիրոսյանը:

Նա հանդես է եկել Մ-20 տարեկանների գերծանր քաշային կարգում, երկամարտում Եվրոպայի ռեկորդ սահմանել 433 կգ-ով ու ոսկե մեդալ նվաճել:

Բոլոր 3 ոսկե մեդալներն էլ հայ ծանրորդի հաշվին են: Պոկումում նա գրանցել է 197 կգ, հրումում՝ 236:

Սա Հայաստանի այսօրվա 2-րդ չեմպիոնությունն էր: Ոսկի է նվաճել նաեւ Արփինե Դալալյանը (+90 կգ), իսկ Սամվել Գասպարյանը (105 կգ) արծաթե մեդալակիր դարձել:

ԵԱ-ում վերջինը հայերից Մ-23 տ. պայքարում հանդես է գալու Գոռ Մինասյանը (+105 կգ):