Մեսսին ու Ռոնալդուն «խաղում են» Կարլսենի ու Նակամուրայի պարտիան

Աշխարհահռչակ Louis Vuitton ընկերությունը երկար տարիներ է արտադրում է այն պայուսակները, որոնցով Աշխարհի գավաթը դուրս է բերվում մարզադաշտ ու բացման արարողություններից առաջ ներկայացվում հանդիսականներին:

Մինչ առաջնությունների մեկնարկը Louis Vuitton-ը անցկացնում է ֆոտոշարքեր, որոնց մասնակցում են հայտնի ֆուտբոլիստներ: Կատար-2022-ի մեկնարկից առաջ Louis Vuitton-ը, Քրիշտիանու Ռոնալդուն ու Լեո Մեսսին իրենց սոցիալական ցանցերում միաժամանակ հրապարակեցին այս լուսանկարը:

«Victory is a State of Mind» (Նախ պետք է հաղթել մտքով). այսպես է մեկնաբանվել լուսանկարը, որտեղ ֆուտբոլային երկու աստղերը փորձում են շախմատի խաղատախտակի առաջ պարզել հաղթողին: Նկարի հեղինակը հայտնի Էն Լեյբովիցն է, որը մեծ թվով աստղերի է լուսանկարել:

Մի պահ մոռանանք գովազդային արշավն ու տեսնենք, թե ինչպիսի դիրք է խաղատախտակին: Հետաքրքիր է, որ կազմակերպիչները մանրակրկիտ ուսումնասիրել են նաեւ շախմատային լուծումները: Mediamax Sport-ին Հայաստանի շախմատի հավաքականի գլխավոր մարզիչ Արման Փաշիկյանն ասել է, որ Մեսսին ու Ռոնալդուն «փորձում են լուծել» 2017-ին Norway Chess-ի ժամանակ կայացած Մագնուս Կարլեսն-Հիկարու Նակամուրա հանդիպման ոչ հեշտ դիրքը:

Yeah so they weren’t actually in the same room. Still goated ad fair play to Louis Vuitton pic.twitter.com/8FkEO04y9A

— WB (@WalidBusquets) November 20, 2022