Netflix-ը նոյեմբերի 9-ից ցուցադրելու է վավերագրական ֆիլմաշար, որը պատմելու է ՖԻՖԱ-ի ամենակնճռոտ ու կոռուպցիոն սկանդալների մասին:
«FIFA Uncovered» անվանումը կրող ֆիլմի թրեյլերն արդեն իսկ լարվածություն է առաջացրել ու խոստանում է հետաքրքիր մանրամասներ բացահայտել: Աշխարհի առաջնությունից ընդամենը 11 օր առաջ մեկնարկող ֆիլմաշարը պատմելու է վերջին տասնամյակում ֆուտբոլային կառույցում տեղի ունեցած սկանդալային որոշումների մասին՝ ներառյալ 2018 եւ 2022 թվականների առաջնությունների հայտերի ընդունման ու հաղթող երկրների անունները որոշելու գործընթացը: Դրանք ամբողջովին կապված են կոռուպցիայի հետ:
Լուսանկարը` FIFA
Ֆիլմի թրեյլերում ՖԻՖԱ-ի անդամ լինելը համեմատվում է «գաղտնի վայրում» ապրելու հետ, իսկ ղեկավար անձնակազմը բնորոշվում է որպես «հանցավոր կազմակերպություն»։
New York Times-ի լրագրող Քեն Բենսինգերը, որը գիրք է գրել ՖԻՖԱ-ում տեղի ունեցած կոռուպցիայի դեպքերի մասին, Twitter-ի իր էջում գրել է, որ աշխատել է Netflix-ի վավերագրական ֆիլմի ստեղծագործական կազմի հետ ու խոստացել, որ մարդիկ «զարմանալի եւ մեծ բացահայտումներ» են իմանալու:
ԱՄՆ արդարադատության նախարարությունը 2015 թվականին 14 բարձրաստիճան ֆուտբոլային պաշտոնյաների մեղադրանք է առաջադրել կաշառակերության, խարդախության, փողերի լվացման մեջ ներգրավված լինելու համար:
Հայտարարվեց, որ Ռուսաստանի եւ Քաթարի համար աշխատող պաշտոնյաները կաշառել են ՖԻՖԱ-ի անդամներին, որպեսզի վերջիններս իրենց ձայները տան այս երկրների օգտին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: