ՊՍԺ-ի հարձակվող Լեո Մեսսին պատմել է, թե ինչպես է կինը՝ Անտոնելա Ռոկուզոն, օգնում իրեն հաղթահարել խաղադաշտում ունեցած դժվարությունները:
Նա խոստովանել է, որ կարող է շատ ծանր տանել անհաջող հանդիպումները, բայց Անտոնելան միշտ էլ գտնում է իրեն օգնելու ձեւը:
«Երբեմն զայրույթս շատ ուժեղ է լինում ու ցանկանում եմ այն անցյալում թողնել: Այդ ժամանակ վերադառնում եմ տուն, որպեսզի տեսնեմ կնոջս ու որդիներիս, դա հանգստացնում է: Անտոն փորձում է ինձ դուրս քաշել այդ ամենից, ստիպում մոռանալ խաղի ու հաշվի մասին, նա գիտի, թե ճիշտ պահը երբ է վրա հասնում»,-TV Sports-ին պատմել է ֆուտբոլիստը:
Մեսսին նշել է, որ նախկինում սովորաբար անհաջող հանդիպումներից հետո սիրում էր լրիվ միայնակ մնալ.
«Փակվում էի բոլորից, քանի որ ինձ համար միայն ֆուտբոլը գոյություն ուներ: Ոչ մեկի հետ ի վիճակի չէի լինում խոսել: Բայց ավագ որդուս ծնունդից հետո ամեն ինչին սովորեցի այլ կերպ նայել»:
Տիագու Մեսսին ծնվել է 2012 թվականին, իսկ Մատեոն եւ Չիրոն՝ 2015-ին եւ 2018-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: