Հաղթական ելույթներից հետո մարզիկները տարբեր կերպ են արձագանքում հաջողությանը: Նրանք ունեն տոնելու յուրահատուկ ձեւեր, որոնք հայտնի են դառնում ամբողջ աշխարհում:
Սակայն վերջերս տարածում է ստացել մի ժեստ, որն ստացել է «night night» անվանումը:
«Բարի գիշեր» տոնակատարությանը սկիզբ դրեց բասկետբոլիստ Ստեֆ Քարին, որն այս ամառ «Գոլդեն Սթեյթ»-«Դալլաս Մավերիքս» եզրափակիչ սերիայի հանդիպումներից մեկի ժամանակ «բարի գիշեր» մաղթեց բոլորին: Դրանից հետո նա բոլոր հիանալի նետումներից հետո կրկնում էր այդ ժեստը:
Լուսանկարը` Getti Images
Իրականում, նման ձեւով հաջողությունը նշել են դեռ Քարիից առաջ, բայց հենց վերջինիս շնորհիվ է այն տարածում ստանում: Նա այս ձեւով ցույց է տալիս, որ «քնեցրել է» մրցակցին ու հիանալի հաղթանակ տոնել:
«Ես գիտեմ, որ մինչ ինձ մի քանի բեյսբոլիստներ կիրառել են հաղթանակը նշելու այս ձեւը: Միգուցե նաեւ ֆուտբոլում է եղել, չեմ կարող հստակ հիշել: Կարծեմ բասկետբոլում Տորին Փրինսն էլ է մի անգամ արել»,-ասել է Քարին:
«Բարի գիշեր»,-այս երկու բառն է արտասանել Քարին ու նայել «Մավերիքսի» պահեստային նստարանին:
«Ես պարզապես զվարճանում էի: Գիտեք, թե ինչքան կարեւոր է երեխաների համար ճիշտ ժամին քնելը: Սա լավ կատարված աշխատանքի վերջնական ազդանշանն էր: Շատ յուրահատուկ ազդանշանը»,-այսպես է բացատրել հաղթանակի նշելը Քարին:
Լուսանկարը` NBC
Եւ ահա, «բարի գիշեր»-ը սկսել է տարածվել այլ մարզիկների մոտ: ԱՄՆ-ի կանանց բասկետբոլի առաջնությունում դա կրկնել է Սաբրինա Իոնեսկուն, ապա բեյսբոլի առաջնությունում՝ Էնդրյու ՄաքՔաչենը, կանանց ֆուտբոլում՝ Ալեքս Մորգանը:
Լուսանկարը` Մորգանի Ինստագրամ
Ժեստը հասել է նաեւ Եվրոպա: Քարիի ընկերներից Նեյմարը որոշել է հետ չմնալ այս նորաձեւությունից ու «Մոնպելիեի» դարպասը գրավելուց հետո նշել «night-night»-ով:
Լուսանկարը` UEFA
«Բարսելոնայից» էլ Դեմբելեն էր «Յուվենթուսի» դեմ պաշտոնական մրցաշարերի մեկնարկից առաջ խփած գոլում այդպես վարվել:
Լուսանկարը` UEFA
Քարին արձագանքում է այլ մարզիկներին ու նրանց Թվիթերի էջերում հայտնում, որ «night night»-ը սպորտում նոր շարժում է դառնում:
Լուսանկարը` UEFA
Լրագրողները կարծում են, որ Քարին կարող էր իրեն նման բան թույլ տալ, քանի որ նրա թիմը 7 տարվա ընթացքում 4-րդ տիտղոսն է նվաճել, իսկ ինքը եզրափակիչներում առաջին անգամ դարձել MVP:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: