Միդլթոնն ու Ֆեդերերը թենիսի բարեգործական հանդիպում կանցկացնեն

Քեյթ Միդլթոնն ու Ռոժեր Ֆեդերերը սեպտեմբերին թենիսի հանդիպում կանցկացնեն:

Լոնդոնում կայանալիք բարեգործական միջոցառման ժամանակ 8-15 տարեկան երեխաները հնարավորություն կունենան խաղալ Մեծ Սաղավարտի 20-ակի հաղթողի ու Քեմբրիջի դքսուհու հետ: Նպատակը երեխաներին ցույց տալն է, որ յուրաքանչյուրը կարող է հասնել իր երազանքին՝ անկախ ֆիզիկական տվյալներից ու հոգեբանական խնդիրներից:

Եւս մեկ բարեգործական հանդիպում էլ նրանք կազմակերպելու են սեպտեմբերի 22-ին՝ Laver Cup-ից առաջ: Հյուրերը հնարավորություն են ունենալու Եվրոպայի եւ Աշխարհի թիմերի հայտնի աստղերի խաղից առաջ միջոցառման մասնակցել: Իսկ ողջ գումարը փոխանցվելու է կրկին բարեգործության: