Գլազգոյում Չեմպիոնների լիգայի եզրափակչում Զինեդին Զիդանի ֆանտաստիկ գոլից անցել է 20 տարի:
Այդ կապակցությամբ Adidas-ը վերագործարկել է իր լեգենդար Predator Mania խաղակոշիկները:
Գերմանական ընկերությունը դրանք սկսել է արտադրել հենց 2002-ին՝ դիզայնում ներառելով ճապոնական մշակույթի տարրեր: Այդ տարի Աշխարհի առաջնությունը հյուրընկալելու էր Հեռավոր Արեւելքը:
Լուսանկարը` Adidas
Կարճ ժամանակ անց Predator Mania-ն դարձել էր շատերի սիրելին, դրանք կրում էին Ալեսանդրո Դել Պիերոն, Ռաուլը, հետագայում՝ Դեւիդ Բեքհեմը:
Սակայն այս խաղակոշիկներին մեծ ճանաչում է բերել հենց Զինեդին Զիդանը, երբ ՉԼ-ում հաղթանակ է պարգեւել «Ռեալին»: Բոլոր լուսանկարներում երեւում է խաղակոշիկը, որով սկսեցին հետաքրքրվել հազարավոր երկրպագուներ ու նորաձեւության սիրահարներ:
Name a Champions League Final goal better than Zinedine Zidane's? pic.twitter.com/A3RrRmjiEH
— GOAL (@goal) May 15, 2021
Զիդանը դրանցով նկարահանվեց Adidas-ի գովազդներում՝ դառնալով այս ընկերության դեմքերից մեկը:
Եւ 20 տարի անց Predator Mania-ն վերադառնում է: Adidas-ը կրկին ֆոտոշարք է պատրաստել Զիդանի մասնակցությամբ, որտեղ ֆրանսիացին նմանակում է 2002-ի շարքը:
Լուսանկարը` Adidas
Predator Mania-ն վաճառքի է դուրս գալու հուլիսի 10-ից եւ արժենալու է 300 ֆունտ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: