Ֆրանսիահայ ֆուտբոլիստ, Աշխարհի ու Եվրոպայի չեմպիոն Յուրի Ջորկաեֆը երեկ նույնպես մասնակցել է Փարիզի «Հաշմանդամների պալատի» համալիրում տեղի ունեցած «Ազգային հարգանքի տուրքի» արարողությանը` նվիրված Շառլ Ազնավուրի հիշատակին։
Նա Ազատություն ռադիոկայանի հետ զրույցում նշել է, որ Ազնավուրն ավելի էր, քան հայ-ֆրանսիացի երգիչ.
«Սա տխուր օր է ամբողջ աշխարհի համար, նա աշխարհի քաղաքացին էր, սիրո ու ժողովրդի դեսպանը: Անձամբ ճանաչում էի նրան, միասին մեկնել ենք Հայաստան: Հաճախ հանդիպել ենք Նյու Յորքում, երբ գալիս էր, միասին ընթրում էինք ու զրուցում կյանքի մասին»,- ասել է Ջորկաեֆը:
Նա նշել է, որ Ազնավուրի կյանքը հիասքանչ էր, յուրաքանչյուր երգը` սրտին մոտ, նա գրում էր մարդկանց մասին ու մարդկանց համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: