Սպորտի եւ երիտասարդության հարցերի նախարար Լեւոն Վահրադյանն ընդունել է ամերիկահայ արագավազորդ Ալեքսան Դոնիկյանին, որն այսուհետ հանդես է գալու Հայաստանի հավաքականի կազմում:
Նախարարը նշել է, որ յուրաքանչյուր հայ պետք է իր հնարավորությունների, մասնագիտական հմտությունների, գիտելիքների սահմաններում ծառայի Հայաստանի Հանրապետությանը:
«Գիտակցումը, որ հաղթանակից հետո ծածանվելու է հայոց եռագույնը, կոգեւորի Ձեզ հասնելու ավելի մեծ մարզական հաջողությունների»,- Վահրադյանի խոսքերը մեջբերում է նախարարության կայքը:
Դոնիկյանն էլ ընդգծել է, որ կանի առավելագույնը, որպեսզի միջազգային մրցահարթակներում բարձր պահի Հայաստանի պատիվը:
Ավելի վաղ աթլետիկայի ֆեդերացիայի նախագահ Ռոբերտ Էմմիյանը հայտնել էր, որ արագավազորդ Դոնիկյանը հանդես է գալու Հայաստանի հավաքականում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: