Ստասիկ Նազարյանը ելույթ է ունեցել Պարալիմպիկ խաղերում

Փհենչհանում ընթացող Պարալիմպիկ խաղերում այսօր ելույթ է ունեցել Հայաստանի միակ ներկայացուցիչը:

Դահուկավազքի 1,1 կմ սպրինտի նստած ձեւում Ստասիկ Նազարյանը 36 մասնակիցների պայքարում գրավել է 33-րդ տեղը: Նա ցույց է տվել 4:41,11 արդյունքը:

Հաղթողի կոչումը նվաճել է ամերիկացի Էնդրյու Սոուլը (3:31.4):

Այս Պարալիմպիկ խաղերը ռեկորդային են մասնակիցների քանակով՝ 6 մարզաձեւերում՝ բիաթլոն, լեռնադահուկային սպորտ, դահուկասպորտ, սնոուբորդ, սլեջ-հոկեյ  ու սայլակների վրա կյորլինգ, ելույթ են ունենում 48 երկրի 567 մարզիկ:
 
10 օրվա ընթացքում խաղարկվելու է մեդալների 80 հավաքածու: