Մեկ կադրում. Ֆուտբոլային ամենահայտնի սելֆին՝ Տոտտին ու «Ռոմայի» երկրպագուները

2015 թվականի հունվարի 12-ին Իտալիայի առաջնության 18-րդ տուրում «Ռոմայի» կազմում «Լացիոյի» դարպասը գրավելուց հետո Ֆրանչեսկո Տոտտին արեց ֆուտբոլային ամենահայտնի սելֆիներից մեկը:

Հենց այդ յուրահատուկ պահի մասին էլ պատմելու ենք Mediamax Sport-ի «Մեկ կադրում» շարքում:

Հռոմեական ակումբների 140-րդ դիմակայությունը երկրպագուներին նվիրեց ոչ միայն արտակարգ ֆուտբոլ, այլ ընդմիշտ հիշվեց Տոտտիի շնորհիվ:

38-ամյա ֆուտբոլիստն իր թիմի 2 գոլերի հեղինակն էր, 2-րդ գնդակից հետո նա 64-րդ րոպեին վերցրեց հեռախոսն ու իրեն նկարեց «Ռոմայի» երկրպագուների տրիբունայի հետ: Հանդիպումն ավարտվեց հավասար՝ 2:2 հաշվով:

Հարձակվողն ահա թե ինչ է իր «Ավագը» ինքնակենսագրականում գրել այդ մասին.  

«2015 թվականի հունվարի 11: «Լացիոյի» հետ դերբի: Առաջին կեսում շատ վատ խաղացի, ինչպես եւ ամբողջ թիմը: Արդյունքում մրցակիցն առաջ էր 2:0 հաշվով: Եթե մարզիչն ինձ փոխարիներ մեկ խոսք անգամ չէի ասի:

Բայց Ռուդին ու նրա օգնականն որոշեցին ինձ հետ անձամբ խոսել: Մեր գրատախտակին խաղացողներից միայն 10 համարն էր առանց սլաքների նշած ընդմիջմանը: «Դուրս մի արի տուգանային հրապարակից, Ֆրանչեսկո,- ասաց ինձ մարզիչը, -ուժերդ չեն հերիքի, որ ամբողջ խաղադաշտով այս ու այն կողմ վազվզես, բայց այդ տարածքում կկարողանաս քեզ դրսեւորել: Մի փնտրիր գնդակը, թող այն քեզ հասցնեն»:

Դա օգնության մասին խնդրանք էր, միեւնույն ժամանակ ինձ վրա մեծ պատասխանատվություն դրվեց: Դուրս եկա հանդերձարանից ու մարզչին նշան արեցի, որ անցնում եմ պլանի կատարմանը:

Լուսանկարը` AS Toma

Լուսանկարը` bleacherreport