Գերմանիայի ֆուտբոլի հավաքականը տպավորիչ հաղթանակ է գրանցել ԱԱ-ի ընտրական մրցաշարում: Երեկոյան այն 6:0 հաշվով հաղթել է Հայաստանի ընտրանուն:
Գերմանիայի ֆուտբոլի ֆեդերացիան ներկայացրել է գլխավոր մարզչի ու ֆուտբոլիստների կարծիքները խաղի վերաբերյալ:
Հանս Ֆլիկ
Մեր հաջորդ քայլն արեցինք: Թիմը կարող է հպարտանալ իր ելույթով: Հիմա պետք է կենտրոնանանք հաջորդ խաղի վրա: Հավաքականը շատ որակներ ունի, ու շատ կարեւոր է, որ դրանք ցույց տա անհրաժեշտ պահին, ինչպես դա արեցինք Հայաստանի դեմ: Ստադիոնում մթնոլորտն անհավանական էր:
Լուսանկարը` Germany Football Team
Սերժ Գնաբրի
Երեկոն շատ լավ ավարտեցինք, նույնիսկ չկարողացանք մեր հնարավորություններից մի քանիսն օգտագործել: Ընդհանուր առմամբ մենք առավելություն ունեինք հենց ամենասկզբից: Բավական տպավորիչ հաղթանակ էր: Այս ամենը կօգտագործենք նաեւ Ռումինիայի դեմ խաղում:
Լեոն Գորեցկա
Լրիվ այլ խաղ ստացվեց, ստադիոնում հիանալի մթնոլորտ էր, երեւում էին տրիբունաներում երկրպագուների հիացած դեմքերը: Մեծ հույսեր ունեինք եւ ցույց տվեցինք, թե ինչպես ենք ցանկանում խաղալ Ֆլիկի գլխավորությամբ: Շատ բան կարողացանք խաղի ընթացքում կյանքի կոչել: Հիմա նույնն Իսլանդիայի դեմ խաղում կրկնելու ժամանակն է:
Լուսանկարը` Germany Football Team
Տիմո Վերներ
3 միջազգային խաղ եմ անցկացրել Շտուտգարտում ու 3 գոլի հեղինակ դարձել, այն հաջողակ վայր է ինձ համար: Հայաստանի դեմ շատ ավելի լավ խաղացինք, քան ցանկանում էինք:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: