«Ալաշկերտի» տպավորիչ հաղթանակն ու «Փյունիկի» գոլառատ ոչ-ոքին

Եվրոպայի լիգայի որակավորման 1-ին փուլում այսօր հայկական 2 ակումբներ տնային հանդիպումներ են անցկացրել:

Նախ Գյումրիում «Փյունիկն» ընդունել է «Շկուպիին»: Հանդիպումը շատ գոլառատ է ստացվել, թիմերը 3-ական գնդակ են խփել: Երեւանյան ակումբի կազմում աչքի են ընկել Էրիկ Վարդանյանը, Մաքսիմ Ժեստոկովն ու  Էդգար Մանուչարյանը:

Ապա Երեւանում «Ալաշկերտն» է խաղացել «Մակեդոնիայի» հետ: Աբրահամ Խաշմանյանի սաները 16-րդ րոպեին առաջ են անցել, գոլը խփել է Նիկիտա Տանկովը: 52-ին լուսատախտակին 1:1 հաշիվն է եղել, պատասխան գնդակի հեղինակը Ալան Ջասարոսկին է:

«Ալաշկերտն» ամեն դեպքում կարողացել է մեծացնել ճնշումն ու այն գոլերի վերածել: Նախ աչքի է ընկել Դանիլո Սեկուլիչը, ապա ինքնագոլի հեղինակ է դարձել Բիանոր դա Սիլվան`3:1: