3060 դիտում

«Մեսսի. Լեգենդ դարձած տղայի պատմությունն» արդեն կա նաեւ հայերեն


Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս


Երեկ երեկոյան «Բարսելոնան» Իսպանիայի Գավաթում 6:1 հաշվով հաղթեց «Սեւիլիային» ու դուրս եկավ կիսաեզրափակիչ: Վերջին ու գեղեցիկ գոլի հեղինակն էլ Լեո Մեսսին էր:

Իսկ մինչ այդ Երեւանում հավաքվել էին արգենտինացի ֆուտբոլիստի երկրպագուները, նրա տաղանդի սիրահարներն ու սպորտային մասնագետները, որպեսզի ներկա լինեն Լուկա Կայոլիի «Մեսսի. Լեգենդ դարձած տղայի պատմությունը» հայերեն գրքի շնորհանդեսին:

Այն ներկայացնում է մեր օրերի լավագույն ֆուտբոլիստներից մեկի կայացման ուղին, դժվարություններին դիմակայելու Մեսսիի եղանակը, չհանձնվելու ու երազանքի հետեւից գնալու վճռականությունը:

Լուկա Կայոլին բազմաթիվ հարցազրույցներ է ունեցել նրա ընտանիքի անդամների, հարազատների ու անգամ քչախոս Լիոնելի հետ, որպեսզի ընթերցողն ամենահավաստի տեղեկությունները ստանա ֆուտբոլիստի մասին:

Գիրքն անգլերենից թարգմանել է Լիանա Զաքարյանը, նա նաեւ 5 ամիս առաջ հրապարակված «Ռոնալդու. կատարելության տենչով» գրքի թարգմանիչն էր, իսկ այն խմբագրել է Գնել Նալբանդյանը: 


«Մեսսի. Լեգենդ դարձած տղայի պատմությունը» գիրքը բոլոր գրախանութներում հասանելի կլինի փետրվարի 1-ից ու կարժենա 5800 դրամ:

Այս տարի նախատեսվում է եւս 2 սպորտային գրքի թարգմանություն Նեյմարի ու Յուրի Ջորկաեֆի մասին:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին