Բաթումիում կայացել է շախմատի միջազգային ֆեդերացիայի կոնգրեսը, որի ժամանակ անդամներն ընտրել են կառույցի նոր նախագահ:
Այս պաշտոնին առաջադրվել էին երեք թեկնածու՝ Արկադի Դվորկովիչը (Ռուսաստան), Գեորգիոս Մակրոպուլոսը (Հունաստան) եւ Նայջել Շորթը (Անգլիա):
Ելույթների ու ծրագրերի ներկայացման ժամանակ Շորթը հայտարարել է, որ ինքնաբացարկ է հայտնում ու սատարում է Դվորկովիչին:
Քվեարկության արդյունքում 103:78 ձայների առավելությամբ ՖԻԴԵ-ի նախագահ է դարձել Դվորկովիչը: Նա խոստովանել է, որ ողջ ուժերը ներդնելու է շախմատը ողջ աշխարհում տարածելու համար, աշխատելու է լուծել այն խնդիրները, որոնք կան ֆեդերացիայում:
Ըստ նրա՝ մեծ պոտենցիալ կա այս մարզաձեւն ավելի դիտարժան ու հետաքրքիր դարձնելու, դրա համար պետք են նոր մոտեցումներ ու թարմություն: Դվորկովիչը համոզված է, որ ինքն ու իր թիմը կկարողանան պատվով դուրս գալ:
ՖԻԴԵ-ն 1995-ից գլխավորում էր Կիրսան Իլյումժինովը, որն այս ընտրություններում սատարում էր հենց Դվորկովիչին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: