Կանանց թիմն Օլիմպիադայում ոչ-ոքի է խաղացել Չինաստանի հետ

Բաթումիում շարունակվում է շախմատի Համաշխարհային Օլիմպիադան:

5-րդ տուրում կանանց հավաքականն ուժերն է չափել առաջատարներից մեկի՝ Չինաստանի հետ: Լարված ու հետաքրքիր պայքարն ավարտվել է ոչ-ոքի՝ 2:2: Լիլիթ Մկրտչյանը հաղթանակ է տարել, Էլինա Դանիելյանն ու Աննա Սարգսյանը ոչ-ոքի են խաղացել, իսկ Մարիա Կուրսովան պարտություն է կրել: 

Թիմային 4 միավորով կանայք ընթանում են 5-րդ հորիզոնականում:

Տղամարդկանց հավաքականի համար այս տուրն անհաջող է եղել: Մինչ այժմ պարտություն չունեցող հայ շախմատիստները զիջել են Ադրբեջանին՝ 1,5:2,5: Մեր թիմից հաղթանակ է տարել միայն Հրանտ Մելքումյանը, Հայկ Մարտիրոսյանը վաստակել է կես միավոր, իսկ Լեւոն Արոնյանն ու Գաբրիել Սարգսյանը պարտություն են կրել:

Թիմային 8 միավորով Հայաստանը նահանջել է 17-րդ հորիզոնական: