Կարեն Տոնականյանը հանդես կգա նոր մեկնարկող IBA Pro Series մրցաշարում

Բռնցքամարտի միջազգային ասոցիացիան հաջորդ տարվանից կսկսի անցկացնել IBA Pro Series մրցաշարեր:

Դրանց ժամանակ մենամարտեր կանցկացնեն ինչպես սիրողական, այնպես էլ պրոֆեսիոնալ ռինգում հանդես եկող բռնցքամարտիկներ:

IBA Pro Series-ի մեկնարկը տրվելու է դեկտեմբերի 11-ին Աբու Դաբիում, որտեղ ընթանալու է բռնցքամարտի համաշխարհային ֆորումը: Կայանալու է 7 մենամարտ, որոնցից մեկն անցկացնելու է Եվրոպական խաղերի բրոնզե մեդալակիր Կարեն Տոնականյանը:

Հայ բռնցքամարտիկի մրցակիցն Օլիմպիական փոխչեմպիոն, Աշխարհի կրկնակի չեմպիոն Սոֆյան Ումիան (Ֆրանսիա) է: Այժմ այս երկու բռնցքամարտիկն էլ հանդես են գալիս պրոֆեսիոնալ ռինգում:

Տոնականյանը վերջին մենամարտն անցկացրել է հոկտեմբերին ու նոկաուտով հաղթանակ է տարել: