Հայտնի է, թե ովքեր կներկայացնեն Հայաստանը երիտասարդական ԱԱ-ում

Հայաստանի բռնցքամարտի երիտասարդական ընտրանին մի քանի օրից մեկնելու է Իսպանիայի Լա Նուսիա քաղաք, որտեղ նոյեմբերի 14-26-ը մասնակցելու է Աշխարհի առաջնությանը:

Թիմի գլխավոր մարզիչ Վազգեն Բադալյանն ընդգրկել է 11 բռնցքամարտիկի, հայտնում է ՀԱՕԿ-ը:

Մեդալների համար պայքարելու են Թումաս Թովմասյանը (51 կգ), Գոռ Ազիզյանը (54 կգ), Մանվել Պետրոսյանը (57 կգ), Էրիկ Իսրայելյանը (60 կգ), Արթուր Մկրտչյանը, (63,5 կգ), Արես Հակոբյանը (67 կգ), Գարիկ Անտանոսյանը (71 կգ), Ալիկ Հովհաննիսյանը (75 կգ), Համլետ Ադամյանը (80 կգ), Աղվան Ալեքսանյանը (86 կգ) եւ Ավետիք Հովակիմյանը (92 կգ):

Առաջնությանը հայտավորվել է ավելի քան 450 բռնցքամարտիկ: