Օլիմպիական Տոկիոյում այսօր հայ մարզիկները միանգամից 3 մեդալ նվաճեցին:
Օրվա մեդալային ավարտը Տոկիոյի միջազգային ֆորում արենայում ազդարարեց Աշխարհի ու Եվրոպայի չեմպիոն Սիմոն Մարտիրոսյանը:
Մինչեւ 109 կգ քաշային կարգի պոկում վարժությունը հայ ծանրորդը սկսեց 190 կգ-ից ու առանց դժվարության բարձրացրեց այն: Ապա Մարտիրոսյանը 5 կգ-ոց քայլ կատարեց ու նորից գրանցեց քաշը՝ սահմանելով Օլիմպիական ռեկորդ, 198 կգ-ը ծանրորդին չենթարկվեց:
Ուզբեկ Ակբար Դյուրաեւն այդ վարժությունում նրան 2 կգ զիջեց, եւ հետաքրքիր պայքարը տեղափոխվեց հրում: Նախ ծանրաձողին մոտեցավ ու 227 կգ բարձրացրեց Դյուրաեւը, ապա Մարտիրոսյանը գրանցեց 228 կգ: Ուզբեկ ծանրորդի 3-րդ մոտեցումը ռեկորդային էր՝ 237 ու նա երկամարտում առաջ անցավ 430 կգ-ով:
Վերջին խոսքը պետք է Մարտիրոսյանն ասեր, ամեն ինչ միայն նրանից էր կախված, սակայն 238 կգ-ը նա 2 մոտեցմամբ չկարողացավ բարձրացնել ու Օլիմպիական խաղերում 2-րդ արծաթե մեդալը նվաճեց երկամարտի 423 կգ-ով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: