Երիտասարդական ԵԱ-ում այսօր ելույթները սկսում են հայ ազատ ոճայինները

Հայաստանի ազատ ոճի ըմբշամարտի երիտասարդական ընտրանին այսօրվանից սկսում է ելույթները Եվրոպայի առաջնությունում:

Հռոմում այսօր մինչեւ 57 կգ քաշային կարգում Արսեն Հարությունյանը 1/8 եզրափակչում հանդիպելու է ռումինացի Մադալին Բարանգային: Գեղամ Գալստյանը (65 կգ) որակավորման փուլում մրցելու է Ռիադ Ռեդջեպի (Մակեդոնիա) հետ:

Արման Անդրիասյանը (70 կգ) նույնպես որակավորումից է սկսելու պայքարն ու մրցելու Դանիել Չոմանիչի (Սլովակիա) հետ: Արման Ավագյանի (79 կգ) մրցակիցը 1/8 փուլում Իվարս Սամուսոնոկսն (Լատվիա) է:

Ավետիք Վարդանյանի թիմի կազմում ԵԱ-ում հանդես են գալու նաեւ Վազգեն Թեւանյանը (61 կգ), Հրայր Ալիխանյանը (74 կգ), Մհեր Մարկոսյանն (86 կգ) ու Հովհաննես Մաղաքյանը (120 կգ):