Ազատ ոճի երիտասարդական ընտրանին Մոլդովայի մրցաշարի հաղթողն է

Հայաստանի ազատ ոճի ըմբշամարտի երիտասարդական հավաքականը դարձել է Մոլդովայի միջազգային թիմային մրցաշարի հաղթող:

Ավետիք Վարդանյանի սաները 3 հաղթանակ են տարել: Երիտասարդ ազատ ոճայիններն ուժեղ են եղել Ուկրաինայի ու Բելառուսի թիմերից, իսկ եզրափակչում 7:4 հաշվով հաղթել են տանտերերի՝ Մոլդովայի հավաքականին:

Մրցաշարին մասնակցել են Առաքել Մովսիսյանը (50 կգ), Կարեն Զուրաբյանը (57 կգ), Արսեն Հարությունյանը (61 կգ), Վազգեն Թեւանյանը (65 կգ), Գեղամ Գալստյանը (70 կգ), Արման Անդրիասյանը (74 կգ), Հրայր Ալիխանյանը (79 կգ), Արման Ավագյանը (86 կգ), Մհեր Մարկոսյանը (92 կգ) եւ Հովհաննես Մաղաքյանը (120 կգ):