Ազատ ոճայինները սկսում են ելույթները Եվրոպայի առաջնությունում

Կասպիյսկում շարունակվող Եվրոպայի առաջնությունում այսօր ելույթները սկսում են ազատ ոճայինները: Հայաստանի հավաքականի կազմում գորգ են դուրս գալու 5-ը:

Մինչեւ 57 կգ քաշային կարգում Միհրան Ջաբուրյանն որակավորման փուլում մրցելու է ռումինացի Անդրեյ Դուկովի հետ: Նույն փուլում Վալտեր Մարգարյանն (70 կգ) ուժերն է չափելու ավստրիացի Մաքսիմիլիան Աուսերլեիտների հետ, Վարուժան Կաջոյանի (79 կգ) մրցակիցը Հենրի Ալեքսի Սելենիուսն (Ֆինլյանդիա) է:

Վալոդյա Ֆրանգուլյանը (65 կգ) 1/8 եզրափակչում հանդիպելու է Օլիմպիական, Աշխարհի ու Եվրոպայի չեմպիոն Վլադիմիր Խինչիգաշվիլիին (Վրաստան): Գեորգի Կետոեւը (97 կգ) պայքարը կսկսի միանգամից 1/4 եզրափակչից ու կմրցի Նուրմագոմեդ Գաջիեւի (Ադրբեջան) հետ:

Ազատ ոճի թիմի կազմում հանդես են գալու նաեւ Գարիկ Բարսեղյանը (61 կգ), Գրիգոր Գրիգորյանը (74 կգ), Մարզպետ Գալստյանը (86 կգ), Շամիր Աթյանը (92 կգ), եւ Լեւան Բերիանիձեն (125 կգ):