«Միկա» մարզադահլիճում երեկ կայացել է հունահռոմեական ոճի ըմբշամարտի Հայաստանի առաջնությունը։ Նոր մրցակարգով ու քաշային կարգերով անցկացված մրցաշարին մասնակցել են ընդամենը 84 մարզիկներ:
Իրենց հիանալի են դրսեւորեն ու չեմպիոններ դարձել երիտասարդ ըմբիշները, մի քանի քաշային կարգերում նրանք հավասարը չեն ունեցել:
Հաղթողներ են դարձել Նորայր Հախոյանը (55 կգ), Արմեն Մելիքյանը (60 կգ), Սլավիկ Գալստյանը (63 կգ), Կարեն Ասլանյանը (67 կգ), Արման Բաղդասարյանը (72 կգ), Էդուարդ Սարգսյանը (82 կգ), Վաղինակ Մինասյանը (97 կգ) եւ Էդգար Խաչատրյանը (130 կգ):
Հատկապես համառ ու դիտարժան է ստացվել մինչեւ 77 կգ քաշայինների եզրափակիչը: Լարված գոտեմարտում Կարապետ Չալյանն առավելության է հասել Արսեն Ջուլֆալակյանի նկատմամբ ու առաջին տեղը գրավել: 2017 թվականի Աշխարհի չեմպիոն Մաքսիմ Մանուկյանն (87 կգ) էլ ոչ մի շանս չի տվել Արթուր Շահինյանին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: